Publicacións

ADECOM adhire á Rede do Patrimonio Cultural

A comisión coordinadora da Rede do Patrimonio Cultural (RPC) , principal plataforma cooperativa das entidades sociais galegas dedicadas á defensa do patrimonio cultural, aprobou onte a adhesión da Asociación en Defensa da Costa da Morte (ADECOM). Desde ADECOM saudamos a importante labor que en defensa do patrimonio do País fai a Rede e as entidades que a conforman, e agardamos que a nosa achega sexa positiva para o conxunto das mesmas e sobre todo para o patrimonio cultural galego e da Costa da Morte.

Clamor na Coruña para expulsar os macroeólicos nas nosas aldeas

Imaxe
  A cidade da Coruña acolliu onte unha multitudinaria mobilización secundada por ducias de colectivos sociais e veciñais afectados pola vaga de novos proxectos eólicos plantexados no medio rural. Máis de dúas centas persoas encheron ás 12 horas a praza de Ourense, ante a Delegación do Goberno, para esixirlle ao executivo que remate coa senrazón destes proxectos que por ducias e centos pretenden asulagar o rural galego. ADECOM sumouse á iniciativa e tamén colocou unha pancarta esixindo unha moratoria eólica na entrada da Coruña, e está a perfilar a oposición social da Costa da Morte, tradicionalmente desmobilizada, fronte a este tipo de instalacións que expolian o noso medio rural para levar os beneficios para outros lugares, mentras aqui só nos deixan o seu impacto ambiental e social. Alegacións e mobilizacións, piares fundamentais para parar a pandemia eólica Nese sentido vimos de presentar as alegacións elaboradas por varios colectivos contra os proxectos eólicos de San Brandán , San

ADECOM e AYUCO únense para combater a ludopatía e a usura na Costa da Morte

Imaxe
  Os presidentes da Asociación en Defensa da Costa da Morte (ADECOM) e da Asociación de Axuda ao Consumidor (AYUCO) , Mario Maceiras e Santiago Caamaño, ratificaron esta mañá un convenio de colaboración entre as dúas entidades para combater a ludopatía e a usura bancaria na Costa da Morte e tamén ofrecer asistencia xurídica gratuíta ás persoas que na nosa bisbarra foron vítimas dalgún dos fraudes bancarios máis comúns: tarxetas revolving , microcréditos, cláusulas chan hipotecarias, preferentes, etc... As dúas entidades coinciden na súa análise de que a Costa da Morte é unha comarca moi golpeada polo desemprego, a emigración e as sucesivas crises económicas, coma as da “burbulla inmobiliaria” en 2008 e do Covid en 2020, polo que a súa poboación é particularmente sensíbel a poder caer neste tipo de trampas co engado do « diñeiro fácil » , sexa a través da adicción aos xogos de azar e apostas, ou ben á hora de contratar produtos financieiros usureiros e incluso ilegais. Texto do acordo A

O director do Parque de Megalitismo da Costa da Morte mira para outro lado ante a invasión eólica que ameaza o patrimonio

Imaxe
Simulación da panorámica dos Penedos, de prosperar o proxecto eólico (elaboración propia) A Rede Galega Por un Rural Vivo vén de denunciar publicamente que o presidente do Parque de Megalitismo da Costa da Morte e actual alcalde de Laxe, José Luis Pérez Añón (PP), negouse a rexeitar a desfeita ambiental e patrimonial provocada polos eólicos na costa do seu municipio.  O rexedor desestimaba unha moción presentada conxuntamente por BNG e PSOE que solicitaba á corporación o rexeitamento explícito da instalación de parques eólicos na Paisaxe Protexida dos Penedos de Pasarela e Traba, reclamando ademais do consistorio a defensa da integridade paisaxística desta excepcional área costeira e a solicitude aos técnicos municipais da elaboración de informes nesme mesmo senso dentro do trámite de consultas previo ao estudo de impacto ambiental como Administración pública directamente afectada.  A instalación de parques eólicos por parte de EDP Renovables na área suporía un «dano irreparable» nu

Axenda de ADECOM

Imaxe
Para o mellor coñecemento e difusión da nosa actividade propia e das nosas entidades federadas, ADECOM pon en marcha a Axenda ADECOM , un calendario ao que calquera persoa pode entrar e subscribirse para ir recibindo información das actividades que vaiamos xerando. Comezamos forte esta semana, que chega completa desde Camariñas ata Cotobade, parando en Noia. ADECOM representará á Costa da Morte nunha xornada sobre eólicos en Cerdedo A asociación CERCO (Cerdedo - Cotobade) tivo a ben contar con ADECOM para representar a nosa comarca na xornada Poñendo cerco ao espolio eólico na Galiza que organiza este sábado 10 de xullo desde as 10:00 horas no Auditorio do Centro Cultural de Cerdedo . A nosa entidade participará nunha mesa redonda de debate xunto con ADEGA , Salvemos o Támega (Monterrei, Vilar de Barrio e Laza), Comunidade de Montes de Vincios (Gondomar) e Asemblea do Suído (Covelo), xunto coas representacións veciñais que se enfrontan aos proxectos eólicos no Monte da Neve (Celano

Saquemos os nosos dereitos do armario

Imaxe
A Costa da Morte e o resto do País uniuse antonte nunha soa voz para repudiar o asasinato de Samuel Luiz , vítima dun presunto crime homófobico a noite do pasado sábado cando saía de marcha na compañía das súas amizades. A nosa comarca acolliu concentracións en Cee, Camariñas, Ponteceso, Laxe, Carballo, Vimianzo e Malpica, co que seguramente estemos ante unha das maiores mobilizacións comarcais dos últimos tempos. A causa non é para menos: a liberdade de expresión afectiva e sexual segue a estar en cuestión, avanzada a quinta parte do século XXI. A brutal agresión que rematou coa vida de Samuel é a punta do iceberg dunha realidade constatada: as persoas homosexuais seguen a ter problemas para desenvolver a súa vida con normalidade, e na propia semana do Orgullo vimos numerosas mostras de intolerancia en todo o noso País ( 1 , 2 , 3 , 4 , 5 , 6 ...), onde 1 de cada 4 agresións teñen carácter homófobo . O panorama na Costa da Morte tampouco é diferente: segue a ser difícil saír do armari

Temos que rematar coa achega de plásticos a natureza e océanos

Imaxe
Con motivo do Día Internacional libre de bolsas de plástico , ADECOM lanza un dobre chamamento a sociedade e administracións para rematar coa achega de plásticos ao noso medio natural en xeral, e a océanos e ríos en particular. O cambio de mentalidade da sociedade, piar fundamental para a eliminación do plástico A sociedade debe tomar consciencia de que un só plástico vertido ao medio natural, incluso de moi baixa calidade, pode tardar 150 anos en descomporse; un plástico de alta calidade (por exemplo unha botella PET) pode tardar mil anos ou máis.  Por iso son tan necesarias medidas coma a eliminación das bolsas de plástico ou á prohibición europea da venda de cubertos e pallas de plástico lexislada hoxe mesmo , ás que debemos sumarnos todos e todas nós con xestos diarios tan sinxelos coma mercar a granel produtos non envasados, substituír as bolsas plásticas por bolsas de tela, deixar de usar botellas dun só uso por outras reutilizábeis... Mais sobre todo, é necesario o comportamento

As alcaldías da Costa da Morte deben situarse á fronte da veciñanza afectada polos eólicos

Imaxe
A recén estrada Comisión Rectora da Asociación en Defensa da Costa da Morte presentou hoxe escritos na totalidade dos municipios da Costa da Morte afectados por novos proxectos "macroeólicos", instando ás súas alcaldías, gobernos locais asi coma ao conxunto das corporacións municipais a colocarse á fronte das veciñanzas afectadas. ADECOM explicoulles que o gran volume de proxectos presentados está a desbordar ás entidades sociais, o que provoca que moita da veciñanza afectada por estas solicitudes se teña que enterar das mesmas por unhas poucas liñas na prensa, o que causa unha perigosa situación de descoñecemento sobre os mesmos e as verdadeiras consecuencias que poderían estar a xestarse para as súas vidas e o seu territorio, o que as empresas trasnacionais detrás destes proxectos aproveitan para gañarse a simpatía veciñal. A nova entidade social comarcal convidou a alcaldes e alcaldesas e resto de membros das corporacións locais a liderar o seu tecido veciñal e dotalo de t

Xeal reduce o caudal ecolóxico do río Xallas con permiso da Xunta

Imaxe
Segundo informacións ás que tivo acceso ADECOM, a Xunta autorizou á empresa Xeal (novo nome dos activos eléctricos e ferroaleacións na Costa da Morte da empresa Ferroatlántica, rebautizados asi tras a súa venda ao fondo TPG Sixth Street Partners) a reducir o caudal ecolóxico que libera o encoro de Santa Uxía que explota para a produción hidroeléctrica, o que xa estaría a aplicar, como se pode comprobar a simple vista do ínfimo chorro de auga que cae agora na fervenza do Ézaro. Con esta controvertida decisión a empresa e a Xunta poderían estar a incumprir o mandato xudicial que dera a razón á entidade AEMS Ríos con Vida na súa denuncia presentada en 2010 polas continuas secas que viña provocando a eléctrica no río Xallas, e que entre outros prexuízos poñía en grave risco a supervivencia da biodiversidade nos 1,4 km do treito final do río, que contén especies protexidas e mesmo algunha en perigo de extinción, coma o Isoetes fluitans .  Esa instrución xudicial obrigaba á empresa a libera

ADECOM lanza o seu Boletín, unha fiestra aberta á sociedade

Imaxe
Para fomentar a transparencia coa sociedade ADECOM puxo hoxe en marcha o seu Boletín ( boletin.adecom.gal ), unha fiestra aberta pola cal a sociedade da Costa da Morte poderá achegarse a ollar toda a súa actividade orgánica e interna, pública e mesmo financieira, teñan ou non relación coa nosa entidade. Cúmprese asi co aprobado no Regulamento de Réxime Interno ratificado na pasada Asemblea Xeral . Agardamos que este innovador instrumento de transparencia na vida organizativa sexa imitado por outros colectivos e entidades, pois cremos que é unha boa idea que pode contribuír a que máis xente confíe e aposte no seu tecido social.