Nace ADECOM en defensa da Costa da Morte

Costa da Morte,

O 23 de xuño de 2020, véspera do día de San Xoán, botou a andar a Asociación en Defensa da Costa da Morte (ADECOM), un colectivo que aspira a converterse na primeira gran entidade da sociedade civil da nosa comarca.

Esta iniciativa nace a proposta dun grupo de entidades e persoas a título individual da bisbarra que participaron este mes nunha mesa de diálogo social, convocada en reacción ao anuncio de que a Xunta talaría o Monte Pindo, un dos espazos naturais referenciais da bisbarra. Nesta mesa de debate, entre outras problemáticas, detectouse a carencia dunha entidade social de nivel comarcal que sirva para coordinar e poñer en valor o traballo e as iniciativas que levan anos realizando moitas entidades e persoas, asi como para poñer o foco sobre os grandes retos e demandas que aínda ten pendentes a Costa da Morte.

Os seus obxectivos serán frear o despoboamento e a destrución do seu medio e da súa identidade á que a Costa da Morte parece abocada, e reclamar a débeda histórica que os gobernos teñen con esta bisbarra periférica e esquecida.

Para dar os seus primeiros pasos, ADECOM formou unha coordinadora formada por persoas de distintas entidades que veñen sendo referenciais na comarca nos últimos anos, que se presentaron voluntariamente durante a mesa de diálogo social.

Ademais, a entidade puxo en marcha as súas ferramentas de comunicación: páxina Web, Facebook e Twitter.

Graciñas a todos e todas, agora toda a veciñanza e entidades da bisbarra están convidadas a unirse para lograr que esta nova plataforma se convirta na ferramenta necesaria para construír un mellor futuro para as fillas e os fillos da Costa da Morte.

Quen desexe unirse, dar unha idea ou colaborar dalgún xeito poden contactarnos no correo adecom.gal@gmail.com.

Comentarios

  1. Anónimo30/11/22, 15:40

    Free bets and casino presents are topic 카지노 사이트 to terms and conditions, please verify these completely before participating in a promotion. Again, over any theoretical period of time the slot machine is set up that you simply can} lose, so figuring out when to cease when ahead is key to successful on any given session of on-line slot play. Much like the volatility level, RTP can affect on} the gaming expertise. A high RTP just isn't a guarantee of successful within the quick time period, or even in the long term|the lengthy run}.

    ResponderEliminar

Publicar un comentario

Publicacións populares deste blog

Coinciden na necesidade urxente de superar o monocultivo do eucalipto na comarca

Costa da Morte,
Imaxe
Corcubión acolliu o pasado sábado o foro de debate " Eucalipto: presente e futuro? ", que evidenciou a necesidade de superar o monocultivo de eucalipto nos nosos montes, modelo do que só se está a beneficiar unha empresa e que ademais provoca problemas graves medioambientais, de seguridade para as persoas e de perda de calidade de vida no medio rural, co conseguinte abandono do mesmo. A asistencia ao debate, que tamén se retransmitiu por Internet, coincidiu en sinalar as consecuencias catastróficas que o monocultivo masivo de árbores alóctonas (sobre todo de Eucalyptus ) supón para os montes da comarca, mais tamén que existe unha mentalidade moi instaurada na poboación que vai ser difícil de mudar, pois certas empresas -coa connivencia da Xunta- levan moitos anos investindo grandes sumas en promover a falsa idea de que o eucalipto é a "única opción rentable" para o monte. Polo contrario, no debate evidenciouse que ante a procura do beneficio inmediato e curtopracis
Ler máis

Eólica, asi non! O 11 de decembro subimos o Monte Pindo contra a invasión eólica

Costa da Morte,
Imaxe
Con motivo do Día mundial das Montañas, o sábado, 11 de decembro, a Coordinadora “Eólica, Así Non” apoiada por máis de 170 colectivos de toda Galiza, convoca á sociedade galega a unha nova grande mobilización fronte a invasión eólica baixo o lema “Na defensa das montañas. Eólica Así Non”.  A cita na nosa comarca será ás 10:00 horas no lugar do Fieiro (Mazaricos), desde onde emprenderemos unha marcha reivindicativa ata a Moa, cume do Olimpo Celta, onde desenvolveremos unha impactante acción simbólica de denuncia do expolio eólico.  A mobilización está convocada por ADECOM, exercerá de anfitriona a Asociación Monte Pindo Parque Natural (cuxo presidente Xilberto Caamaño nos guiará na subida) e contará co apoio de ADEGA, Plataforma en Defensa do Monte das Salgueiras e Ecoloxistas en Acción.  Agardamos poder contar con todos e todas vós!
Ler máis