ADECOM constituirase en Federación comarcal o sábado 19 de xuño en Corcubión

Costa da Morte,

Logo de case un ano de reflexión colectiva iniciada a noite de San Xoán do ano pasado, finalmente as persoas e entidades que neste tempo formamos parte da Comisión de Coordinación, recollendo un amplo sentir da sociedade da Costa da Morte, concluímos a necesidade de constituír legalmente unha Federación de ámbito comarcal con vocación de crear unha comunidade ecosocial, natural e cultural que atinxa e defenda os intereses da nosa bisbarra, acuciada máis que nunca por distintas ameazas que requiren dunha resposta social inmediata, e que non pode ser atomizada senón global, coordinada e enfocada a destinar o máximo esforzo a protexer os nosos recursos e intereses da depredación total por empresas sen escrúpulos que operan co parabén do goberno da Xunta.

Parte da coordinadora de ADECOM, reunida o
pasado domingo 18 de abril no Pindo (Carnota)

Deste xeito, a sociedade da Costa da Morte e as súas entidades están chamadas a participar na Asemblea Constituínte de ADECOM, que terá lugar (se a situación sanitaria o permite) o sábado 19 de xuño, desde as 11:00 horas, no Salón de Actos da Casa da Cultura de Corcubión*, convocada coincidindo co Día da Terra.

A este evento están convidadas (previa confirmación de asistencia en asemblea.adecom.gal) as entidades sociais da Costa da Morte que desexen federarse. Ademais, aquelas persoas que queiran poderán afiliarse individualmente; porque cando o que máis queremos está en perigo, é máis urxente que nunca sumar.

Os grandes retos que a Costa da Morte ten por diante

ADECOM elixiu Corcubión para a súa posta en marcha precisamente por ser un dos dous concellos da bisbarra (xunto a Carnota) que, asumindo a presión social, aprobou declararse libre de eucaliptos, tratándose a oposición ao monocultivo masivo de eucalipto, con todos os problemas que implica, dunha das grandes batallas que o noso colectivo asumirá desde o seu nacemento.

Reunión de parte da coordinadora de ADECOM
o 4 de abril no Monte da Ruña (Mazaricos)
Outra das grandes frontes que acometerá ADECOM será xestionar a resposta veciñal ante os macroproxectos eólicos que ameazan nestes momentos os principais espazos naturais da nosa comarca, asi coma a loita contra os proxectos de megaminaría que certas multinacionais tentan poñer en marcha na nosa bisbarra.

Asi mesmo, ADECOM oporase ao turismo estival masificado coma única alternativa económica, modelo que nos condea ao atraso e á dependencia, combaterá a perda de patrimonio e biodiversidade, loitará contra a contaminación a todos os niveis, e tentará mediante a conciencia social e a divulgación propiciar un novo modelo económico limpo e sostible, que permita fixar poboación na zona e mellorar a calidade de vida da veciñanza da Costa da Morte, partindo desde o respecto ao medio natural, o patrimonio cultural e o resto de expresións da nosa identidade coma pobo.

* Para participar no evento será obrigatorio seguir todas as instrucións e medidas fixadas por autoridades locais e organización para previr o contaxio de Covid-19.

Comentarios

Publicar un comentario

Publicacións populares deste blog

Nace ADECOM en defensa da Costa da Morte

Costa da Morte,
Imaxe
O 23 de xuño de 2020, véspera do día de San Xoán, botou a andar a Asociación en Defensa da Costa da Morte (ADECOM), un colectivo que aspira a converterse na primeira gran entidade da sociedade civil da nosa comarca. Esta iniciativa nace a proposta dun grupo de entidades e persoas a título individual da bisbarra que participaron este mes nunha mesa de diálogo social , convocada en reacción ao anuncio de que a Xunta talaría o Monte Pindo , un dos espazos naturais referenciais da bisbarra. Nesta mesa de debate, entre outras problemáticas, detectouse a carencia dunha entidade social de nivel comarcal que sirva para coordinar e poñer en valor o traballo e as iniciativas que levan anos realizando moitas entidades e persoas, asi como para poñer o foco sobre os grandes retos e demandas que aínda ten pendentes a Costa da Morte. Os seus obxectivos serán frear o despoboamento e a destrución do seu medio e da súa identidade á que a Costa da Morte parece abocada, e reclamar a débeda histórica que
Ler máis

Coinciden na necesidade urxente de superar o monocultivo do eucalipto na comarca

Costa da Morte,
Imaxe
Corcubión acolliu o pasado sábado o foro de debate " Eucalipto: presente e futuro? ", que evidenciou a necesidade de superar o monocultivo de eucalipto nos nosos montes, modelo do que só se está a beneficiar unha empresa e que ademais provoca problemas graves medioambientais, de seguridade para as persoas e de perda de calidade de vida no medio rural, co conseguinte abandono do mesmo. A asistencia ao debate, que tamén se retransmitiu por Internet, coincidiu en sinalar as consecuencias catastróficas que o monocultivo masivo de árbores alóctonas (sobre todo de Eucalyptus ) supón para os montes da comarca, mais tamén que existe unha mentalidade moi instaurada na poboación que vai ser difícil de mudar, pois certas empresas -coa connivencia da Xunta- levan moitos anos investindo grandes sumas en promover a falsa idea de que o eucalipto é a "única opción rentable" para o monte. Polo contrario, no debate evidenciouse que ante a procura do beneficio inmediato e curtopracis
Ler máis

O clamor que nin a borraxeira pode agochar

Costa da Morte,
Imaxe
O atropelo eólico na Costa da Morte e no sur da provincia da Coruña foi obxecto este sábado dunha mobilización veciñal convocada por varias asociacións do entorno, e secundada como non podía ser doutro xeito por ADECOM.  As Paxareiras foi o lugar elixido para realizar unha marcha que pretendía percorrer desde as 4 da tarde un dos parques eólicos máis grandes e antigos do País. Por desgraza, un tempo intempestivo impediu cumprir o plan, afectou indudabelmente á afluencia e desluciu o acto, obrigando a transformalo nunha caravana de vehículos ata o Mirador das Paxareiras, onde se deron cita preto de 200 persoas chegadas de todos os puntos da provincia. A pesar do mal tempo e da borraxeira que impedía ata ver os muíños que a pesar do seu minúsculo tamaño en comparación cos dos novos proxectos fungaban atroadoramente a escasos metros, o acto demostrou que a oposición veciñal aos novos proxectos eólicos vai aumentando, organizándose... e perdendo o medo.  Este mesmo mes terá lugar unha nov
Ler máis