ADECOM e veciñanza de Berdoias concéntranse contra os macroproxectos eólicos

Costa da Morte,

Concentración diante da Igrexa de Berdoias

Este domingo 9 de maio a Asociación en defensa da Costa da Morte (ADECOM) xunto con veciñanza de Berdoias (Vimianzo), concentráronse no adrio da igrexa desa parroquia, onde recolleron sinaturas para impedir a construción do Parque eólico previsto para Berdoias. A promotora deste parque é Iberdrola Renovables, S.A. e afectará aos municipios de Vimianzo, Muxía e Dumbría, principalmente. 

De chegar a executarse, este proxecto, de 76,5 MW de potencia instalada, estaría integrado por 17 aeroxeradores duns 107,5 m de altura. Ademais dos viraventos, instalarase unha rede subterránea de media tensión, unha subestación transformadora situada no concello de Vimianzo, unha subestación transformadora no concello de Ordes, e unha liña aérea de alta tensión que atravesará os termos municipais de Cerceda, Ordes, Santa Comba, Tordoia, Trazo, Val do Dubra, Vimianzo e Zas, entre outras características. 

Aberto o prazo de alegacións

Os eólicos afectan espazos de alto valor
O día 26 de abril abriuse o prazo para presentar alegacións ao informe medioambiental, que tanto veciñanza de Berdoias coma ADECOM e outras plataformas da contorna están recollendo xa para presentar diante da Xunta de Galicia, quen apretou o acelerador a fondo para sacar canto antes e coa mínima información á veciñanza estes proxectos en todo o noso País.

Mais nin as autoridades nin os intereses empresariais que están detrás deste e outros parques explican que suporán impactos ambientais moi importantes, pois a súa afección severa aos recursos hídricos, á fauna, aos humidais e turbeiras, ao patrimonio material e inmaterial, ás terras de producción cerealística, impactos sobre o sector forestar e agrogandeiro inasumibles e, sobre todo, afección incompatible coa paisaxe e sobre lugares de interese xeolóxico, e afección sobre o sector do turismo e o benestar das familias que residen no contorno que constitúe o seu medio de vida. Ademais, lonxe do que promulgan estas empresas, que son as únicas e grandes beneficiarias destes proxectos, o beneficio para as comunidades locais destas megainstalacións é practicamente nulo. Pola súa parte, a Xunta tamén se beneficia pois estas empresas acabarán acollendo aos seus altos cargos mediante as famosas "portas xiratorias".

Xornadas informativas en Carballo

Cartel do acto
Estes grupos participarán o próximo sábado na praza do Concello de Carballo nas Xornadas informativas sobre o complexo eólico na Comarca de Bergantiños e Costa da Morte, organizadas pola Coordinadora Bergantiñá en defensa da terra co apoio de ADECOM e outras entidades.

Comentarios

Publicar un comentario

Publicacións populares deste blog

Nace ADECOM en defensa da Costa da Morte

Costa da Morte,
Imaxe
O 23 de xuño de 2020, véspera do día de San Xoán, botou a andar a Asociación en Defensa da Costa da Morte (ADECOM), un colectivo que aspira a converterse na primeira gran entidade da sociedade civil da nosa comarca. Esta iniciativa nace a proposta dun grupo de entidades e persoas a título individual da bisbarra que participaron este mes nunha mesa de diálogo social , convocada en reacción ao anuncio de que a Xunta talaría o Monte Pindo , un dos espazos naturais referenciais da bisbarra. Nesta mesa de debate, entre outras problemáticas, detectouse a carencia dunha entidade social de nivel comarcal que sirva para coordinar e poñer en valor o traballo e as iniciativas que levan anos realizando moitas entidades e persoas, asi como para poñer o foco sobre os grandes retos e demandas que aínda ten pendentes a Costa da Morte. Os seus obxectivos serán frear o despoboamento e a destrución do seu medio e da súa identidade á que a Costa da Morte parece abocada, e reclamar a débeda histórica que
Ler máis

Coinciden na necesidade urxente de superar o monocultivo do eucalipto na comarca

Costa da Morte,
Imaxe
Corcubión acolliu o pasado sábado o foro de debate " Eucalipto: presente e futuro? ", que evidenciou a necesidade de superar o monocultivo de eucalipto nos nosos montes, modelo do que só se está a beneficiar unha empresa e que ademais provoca problemas graves medioambientais, de seguridade para as persoas e de perda de calidade de vida no medio rural, co conseguinte abandono do mesmo. A asistencia ao debate, que tamén se retransmitiu por Internet, coincidiu en sinalar as consecuencias catastróficas que o monocultivo masivo de árbores alóctonas (sobre todo de Eucalyptus ) supón para os montes da comarca, mais tamén que existe unha mentalidade moi instaurada na poboación que vai ser difícil de mudar, pois certas empresas -coa connivencia da Xunta- levan moitos anos investindo grandes sumas en promover a falsa idea de que o eucalipto é a "única opción rentable" para o monte. Polo contrario, no debate evidenciouse que ante a procura do beneficio inmediato e curtopracis
Ler máis

Eólica, asi non! O 11 de decembro subimos o Monte Pindo contra a invasión eólica

Costa da Morte,
Imaxe
Con motivo do Día mundial das Montañas, o sábado, 11 de decembro, a Coordinadora “Eólica, Así Non” apoiada por máis de 170 colectivos de toda Galiza, convoca á sociedade galega a unha nova grande mobilización fronte a invasión eólica baixo o lema “Na defensa das montañas. Eólica Así Non”.  A cita na nosa comarca será ás 10:00 horas no lugar do Fieiro (Mazaricos), desde onde emprenderemos unha marcha reivindicativa ata a Moa, cume do Olimpo Celta, onde desenvolveremos unha impactante acción simbólica de denuncia do expolio eólico.  A mobilización está convocada por ADECOM, exercerá de anfitriona a Asociación Monte Pindo Parque Natural (cuxo presidente Xilberto Caamaño nos guiará na subida) e contará co apoio de ADEGA, Plataforma en Defensa do Monte das Salgueiras e Ecoloxistas en Acción.  Agardamos poder contar con todos e todas vós!
Ler máis