Éxito da xornada contra os macroproxectos eólicos, que xa xera interese internacional

Costa da Morte,
Máis de medio cento de persoas acudiron a pesar do mal tempo ás Xornadas Informativas que tiveron lugar o pasado sábado en Carballo, convocatoria lanzada pola Coordinadora Bergantiñá pola Defensa da Terra e apoiada por ADECOM e outras entidades da bisbarra, para coñecer e denunciar os macroproxectos eólicos cos que varias multinacionais pretenden -coa complicidade da Xunta- asulagar a nosa bisbarra. 
 
O evento converteuse nun auténtico acto de repulsa ao que estas corporacións tentan facer, que é enganar á veciñanza para que se resignen e acepten sen máis uns proxectos que só as benefician a elas, mais que destruirán para sempre a nosa paisaxe convertindo as nosas aldeas nuns lugares menos desexábeis para vivir, cun retorno ínfimo para as comunidades locais.
 
Cartel e folleto de ADECOM
No micrófono sucedéronse as distintas voces críticas representando a cada colectivo, cada unha achegando a súa visión do mesmo problema, cunha idea en común: non se está en contra da enerxía eólica coma concepto, senón de que se estén proxectando con este enfoque neocolonial, onde o noso territorio se utiliza exclusivamente para xerar enerxía que se venderá a milleiros de quilómetros para que as empresas se queden cos beneficios (e ademais, multimillonarios), mentras que aqui só deixan prexuízos.

Un equipo técnico da televisión pública holandesa desprazouse a Carballo para cubrir o acto e incorporar este clamor social contra os macroproxectos eólicos á súa serie-documental "Cartas de España", dirixida por Stef Biemans, que rodan nestes momentos en Galiza, secuela da premiada serie "Cartas de Andalucía" que obtivo o Silver Nipkow Disk, o premio máis importante da televisión holandesa. ADECOM colaborou activamente neste proxecto e de feito unha compañeira escenificou a oposición da nosa bisbarra a este expolio mediante unha pequena toma que formará parte da metraxe final da serie. Tristemente, mentras a loita veciñal chega de cheo aos medios públicos internacionais, os medios públicos galegos nin sequera se interesaron de momento pola nosa actividade.
 
ADECOM aproveitou o acto para presentarse en sociedade e desmentir os principais tópicos e mentiras que se están difundindo sobre estes proxectos para lograr o apoio da veciñanza á súa implantación, co lanzamento dun cartel e un folleto informativos titulados "Non caiamos na trampa eólica" que xa se está distribuíndo entre a veciñanza destes proxectos, desmontando unha estratexia do capital que conta coa complicidade da Xunta, cuxos actores acaban en moitos casos vendo recompensado o seu apoio a estes proxectos mediante prebendas e incluso a "fichaxe" para os seus Consellos de Administración, como vén de facer Greenalia coa ex-conselleira de Medio Ambiente do PP Beatriz Mato tras aprobárenlle 5 proxectos, segundo divulgou o xornal Nós Diario.

ADECOM desminte as mentiras coas que xustifican os proxectos

Comentarios

Publicar un comentario

Publicacións populares deste blog

Non ao proxecto eólico de Sembra!

Costa da Morte,
Imaxe
  Esta imaxe cos nosos montes no seu estado natural podería ser historia en poucos meses Unha nova ameaza pende sobre a Fin da Terra, xa que a administración recibiu a solicitude para a construción dun novo parque eólico chamado "Sembra", sito nos Concellos de Cee e Fisterra, practicamente a última zona deste entorno libre de macroinstalacións deste tipo. O proxecto, promovido pola empresa Volantis Renovables, unha sociedade limitada unipersoal constituída este mesmo ano por Juan Jesús Berzosa Aránguez (dono de outra multitude de empresas eólicas), prevé a creación nos montes de Cee e Fisterra dun número de 12 aeroxeradores e as súas correspondentes infraestruturas industriais, viarias e de evacuación da enerxía ata o Parque Eólico das Paxareiras, que suporán un tremendo impacto ecolóxico, na habitabilidade e na paisaxe desta zona da Costa da Morte que a fai coñecida internacionalmente, e que non se librará, de prosperar este proxecto, de que os aeroxeradores formen parte das
Ler máis

Coinciden na necesidade urxente de superar o monocultivo do eucalipto na comarca

Costa da Morte,
Imaxe
Corcubión acolliu o pasado sábado o foro de debate " Eucalipto: presente e futuro? ", que evidenciou a necesidade de superar o monocultivo de eucalipto nos nosos montes, modelo do que só se está a beneficiar unha empresa e que ademais provoca problemas graves medioambientais, de seguridade para as persoas e de perda de calidade de vida no medio rural, co conseguinte abandono do mesmo. A asistencia ao debate, que tamén se retransmitiu por Internet, coincidiu en sinalar as consecuencias catastróficas que o monocultivo masivo de árbores alóctonas (sobre todo de Eucalyptus ) supón para os montes da comarca, mais tamén que existe unha mentalidade moi instaurada na poboación que vai ser difícil de mudar, pois certas empresas -coa connivencia da Xunta- levan moitos anos investindo grandes sumas en promover a falsa idea de que o eucalipto é a "única opción rentable" para o monte. Polo contrario, no debate evidenciouse que ante a procura do beneficio inmediato e curtopracis
Ler máis

Temos que rematar coa achega de plásticos a natureza e océanos

Costa da Morte,
Imaxe
Con motivo do Día Internacional libre de bolsas de plástico , ADECOM lanza un dobre chamamento a sociedade e administracións para rematar coa achega de plásticos ao noso medio natural en xeral, e a océanos e ríos en particular. O cambio de mentalidade da sociedade, piar fundamental para a eliminación do plástico A sociedade debe tomar consciencia de que un só plástico vertido ao medio natural, incluso de moi baixa calidade, pode tardar 150 anos en descomporse; un plástico de alta calidade (por exemplo unha botella PET) pode tardar mil anos ou máis.  Por iso son tan necesarias medidas coma a eliminación das bolsas de plástico ou á prohibición europea da venda de cubertos e pallas de plástico lexislada hoxe mesmo , ás que debemos sumarnos todos e todas nós con xestos diarios tan sinxelos coma mercar a granel produtos non envasados, substituír as bolsas plásticas por bolsas de tela, deixar de usar botellas dun só uso por outras reutilizábeis... Mais sobre todo, é necesario o comportamento
Ler máis