As alcaldías da Costa da Morte deben situarse á fronte da veciñanza afectada polos eólicos

Costa da Morte,

A recén estrada Comisión Rectora da Asociación en Defensa da Costa da Morte presentou hoxe escritos na totalidade dos municipios da Costa da Morte afectados por novos proxectos "macroeólicos", instando ás súas alcaldías, gobernos locais asi coma ao conxunto das corporacións municipais a colocarse á fronte das veciñanzas afectadas.

ADECOM explicoulles que o gran volume de proxectos presentados está a desbordar ás entidades sociais, o que provoca que moita da veciñanza afectada por estas solicitudes se teña que enterar das mesmas por unhas poucas liñas na prensa, o que causa unha perigosa situación de descoñecemento sobre os mesmos e as verdadeiras consecuencias que poderían estar a xestarse para as súas vidas e o seu territorio, o que as empresas trasnacionais detrás destes proxectos aproveitan para gañarse a simpatía veciñal.

A nova entidade social comarcal convidou a alcaldes e alcaldesas e resto de membros das corporacións locais a liderar o seu tecido veciñal e dotalo de todas as ferramentas e instrumentos para participar de forma informada nestes proxectos, incluíndo o asesoramento para formular alegacións, se o desexan.

Escrito remitido ás alcaldías da Costa da Morte

Comunicación á Alcaldía-Presidencia
(con rogo de difusión aos distintos grupos da Corporación Municipal)

A Costa da Morte está a recibir, tal vez coma nunca antes na Historia, o interese de empresas enerxéticas transnacionais que están a solicitar autorización para construír novos proxectos eólicos en practicamente todos os municipios, tamén no seu. Estes novos proxectos pouco ou nada teñen que ver cos muíños que tradicionalmente coñecemos e xa existían na bisbarra, pois mentras aqueles xeraban menos de 1MW alcanzando apenas os 80 metros de altura, os novos “macroeólicos” que se propoñen triplícanos superando os 200 metros para xerar ata 10MW.

Isto tamén dispara o seu impacto visual e paisaxístico, os prexuízos para as poboacións humanas (ruído incesante, efecto estroboscópico das sombras, perda da soberanía sobre a propiedade...), as consecuencias para a biodiversidade de flora e fauna (golpeo de aves coas aspas, desertificación ecolóxica do entorno), e para o patrimonio cultural e arqueolóxico (obras para a creación das infraestruturas precisas, non só aparellos senón pistas, estacións, tendidos...)

Estamos a detectar que a maioría das veciñanzas afectadas por estes proxectos estanse a enterar dos mesmos polo tecido social, que se atopa completamente desbordado ante ducias de solicitudes simultáneas, ou incluso pola prensa, cundindo de forma xeral a desinformación sobre as consecuencias que estes proxectos poden chegar sobre as súas vidas e o noso territorio, e perdendo un tempo moi valioso para informarse, organizarse, formular alegacións...

Esta Comisión Rectora de ADECOM solicítalles a vostede, ao goberno que preside e ao conxunto da corporación do seu Concello que se sitúen á fronte da veciñanza afectada polos proxectos que se plantexen no seu municipio, recabando os informes técnicos que sexan precisos sobre os proxectos e os valores naturais, patrimoniais... que afecta, proporcionándolle á veciñanza toda a información necesaria de xeito que poidan participar de forma informada no seu debate e na tramitación, apoiándoa técnica e xurídicamente no caso de desexaren formular alegacións...

Cremos que isto é o que a veciñanza agarda das nosas Representacións Municipais. Graciñas.

Comentarios

Publicar un comentario

Publicacións populares deste blog

Nace ADECOM en defensa da Costa da Morte

Costa da Morte,
Imaxe
O 23 de xuño de 2020, véspera do día de San Xoán, botou a andar a Asociación en Defensa da Costa da Morte (ADECOM), un colectivo que aspira a converterse na primeira gran entidade da sociedade civil da nosa comarca. Esta iniciativa nace a proposta dun grupo de entidades e persoas a título individual da bisbarra que participaron este mes nunha mesa de diálogo social , convocada en reacción ao anuncio de que a Xunta talaría o Monte Pindo , un dos espazos naturais referenciais da bisbarra. Nesta mesa de debate, entre outras problemáticas, detectouse a carencia dunha entidade social de nivel comarcal que sirva para coordinar e poñer en valor o traballo e as iniciativas que levan anos realizando moitas entidades e persoas, asi como para poñer o foco sobre os grandes retos e demandas que aínda ten pendentes a Costa da Morte. Os seus obxectivos serán frear o despoboamento e a destrución do seu medio e da súa identidade á que a Costa da Morte parece abocada, e reclamar a débeda histórica que
Ler máis

Coinciden na necesidade urxente de superar o monocultivo do eucalipto na comarca

Costa da Morte,
Imaxe
Corcubión acolliu o pasado sábado o foro de debate " Eucalipto: presente e futuro? ", que evidenciou a necesidade de superar o monocultivo de eucalipto nos nosos montes, modelo do que só se está a beneficiar unha empresa e que ademais provoca problemas graves medioambientais, de seguridade para as persoas e de perda de calidade de vida no medio rural, co conseguinte abandono do mesmo. A asistencia ao debate, que tamén se retransmitiu por Internet, coincidiu en sinalar as consecuencias catastróficas que o monocultivo masivo de árbores alóctonas (sobre todo de Eucalyptus ) supón para os montes da comarca, mais tamén que existe unha mentalidade moi instaurada na poboación que vai ser difícil de mudar, pois certas empresas -coa connivencia da Xunta- levan moitos anos investindo grandes sumas en promover a falsa idea de que o eucalipto é a "única opción rentable" para o monte. Polo contrario, no debate evidenciouse que ante a procura do beneficio inmediato e curtopracis
Ler máis

Eólica, asi non! O 11 de decembro subimos o Monte Pindo contra a invasión eólica

Costa da Morte,
Imaxe
Con motivo do Día mundial das Montañas, o sábado, 11 de decembro, a Coordinadora “Eólica, Así Non” apoiada por máis de 170 colectivos de toda Galiza, convoca á sociedade galega a unha nova grande mobilización fronte a invasión eólica baixo o lema “Na defensa das montañas. Eólica Así Non”.  A cita na nosa comarca será ás 10:00 horas no lugar do Fieiro (Mazaricos), desde onde emprenderemos unha marcha reivindicativa ata a Moa, cume do Olimpo Celta, onde desenvolveremos unha impactante acción simbólica de denuncia do expolio eólico.  A mobilización está convocada por ADECOM, exercerá de anfitriona a Asociación Monte Pindo Parque Natural (cuxo presidente Xilberto Caamaño nos guiará na subida) e contará co apoio de ADEGA, Plataforma en Defensa do Monte das Salgueiras e Ecoloxistas en Acción.  Agardamos poder contar con todos e todas vós!
Ler máis