ADECOM e AYUCO únense para combater a ludopatía e a usura na Costa da Morte

Costa da Morte,

 

Os presidentes da Asociación en Defensa da Costa da Morte (ADECOM) e da Asociación de Axuda ao Consumidor (AYUCO), Mario Maceiras e Santiago Caamaño, ratificaron esta mañá un convenio de colaboración entre as dúas entidades para combater a ludopatía e a usura bancaria na Costa da Morte e tamén ofrecer asistencia xurídica gratuíta ás persoas que na nosa bisbarra foron vítimas dalgún dos fraudes bancarios máis comúns: tarxetas revolving, microcréditos, cláusulas chan hipotecarias, preferentes, etc...

As dúas entidades coinciden na súa análise de que a Costa da Morte é unha comarca moi golpeada polo desemprego, a emigración e as sucesivas crises económicas, coma as da “burbulla inmobiliaria” en 2008 e do Covid en 2020, polo que a súa poboación é particularmente sensíbel a poder caer neste tipo de trampas co engado do «diñeiro fácil», sexa a través da adicción aos xogos de azar e apostas, ou ben á hora de contratar produtos financieiros usureiros e incluso ilegais.

Texto do acordo
Asi, esta colaboración centrarase en dúas liñas principais: a atención e información sobre a ludopatía, con charlas e actividades dirixidas ás persoas con adicción aos xogos do azar e tamén a aqueles colectivos máis vulnerábeis a poder caer nela (sobre todo as capas máis empobrecidas da sociedade e a mocidade), e por outra a sensibilización sobre os produtos financieiros fraudulentos asi coma a defensa xurídica das persoas que xa foron vítimas desas estafas.

Se caes vítima, nin vergoña nin presións: DENUNCIA

Neste último senso, a mensaxe é clara: hai que reclamar sempre e non ceder á chantaxe nin ás propostas de acordo que ofertan as entidades cando se lles reclama, pois tamén teñen trampa xa que adoitan ser moitísimo peores que as sentenzas xudiciais que logo se obteñen. O convenio garantirá asistencia xurídica totalmente gratuíta ás entidades e persoas vencelladas a ADECOM que decidan iniciar unha reclamación xudicial con AYUCO.

O encontro puxo de relevo que esas empresas chegan a explicitar no propio contrato intereses claramente usureiros. Lembremos que en España o máximo xuro permitido é o 20%, a partir de aí xa se considera usura e por tanto é ilegal; pois o presidente de AYUCO indicou que están atendendo nestes momentos persoas ás que lle reclaman intereses superiores ao 3000%, asi coma casos nos que por un microcrédito "rápido" de 500€ acaban esixíndolles contías de máis de 6 mil.

Comentarios

Publicar un comentario

Publicacións populares deste blog

Nace ADECOM en defensa da Costa da Morte

Costa da Morte,
Imaxe
O 23 de xuño de 2020, véspera do día de San Xoán, botou a andar a Asociación en Defensa da Costa da Morte (ADECOM), un colectivo que aspira a converterse na primeira gran entidade da sociedade civil da nosa comarca. Esta iniciativa nace a proposta dun grupo de entidades e persoas a título individual da bisbarra que participaron este mes nunha mesa de diálogo social , convocada en reacción ao anuncio de que a Xunta talaría o Monte Pindo , un dos espazos naturais referenciais da bisbarra. Nesta mesa de debate, entre outras problemáticas, detectouse a carencia dunha entidade social de nivel comarcal que sirva para coordinar e poñer en valor o traballo e as iniciativas que levan anos realizando moitas entidades e persoas, asi como para poñer o foco sobre os grandes retos e demandas que aínda ten pendentes a Costa da Morte. Os seus obxectivos serán frear o despoboamento e a destrución do seu medio e da súa identidade á que a Costa da Morte parece abocada, e reclamar a débeda histórica que
Ler máis

Coinciden na necesidade urxente de superar o monocultivo do eucalipto na comarca

Costa da Morte,
Imaxe
Corcubión acolliu o pasado sábado o foro de debate " Eucalipto: presente e futuro? ", que evidenciou a necesidade de superar o monocultivo de eucalipto nos nosos montes, modelo do que só se está a beneficiar unha empresa e que ademais provoca problemas graves medioambientais, de seguridade para as persoas e de perda de calidade de vida no medio rural, co conseguinte abandono do mesmo. A asistencia ao debate, que tamén se retransmitiu por Internet, coincidiu en sinalar as consecuencias catastróficas que o monocultivo masivo de árbores alóctonas (sobre todo de Eucalyptus ) supón para os montes da comarca, mais tamén que existe unha mentalidade moi instaurada na poboación que vai ser difícil de mudar, pois certas empresas -coa connivencia da Xunta- levan moitos anos investindo grandes sumas en promover a falsa idea de que o eucalipto é a "única opción rentable" para o monte. Polo contrario, no debate evidenciouse que ante a procura do beneficio inmediato e curtopracis
Ler máis

Eólica, asi non! O 11 de decembro subimos o Monte Pindo contra a invasión eólica

Costa da Morte,
Imaxe
Con motivo do Día mundial das Montañas, o sábado, 11 de decembro, a Coordinadora “Eólica, Así Non” apoiada por máis de 170 colectivos de toda Galiza, convoca á sociedade galega a unha nova grande mobilización fronte a invasión eólica baixo o lema “Na defensa das montañas. Eólica Así Non”.  A cita na nosa comarca será ás 10:00 horas no lugar do Fieiro (Mazaricos), desde onde emprenderemos unha marcha reivindicativa ata a Moa, cume do Olimpo Celta, onde desenvolveremos unha impactante acción simbólica de denuncia do expolio eólico.  A mobilización está convocada por ADECOM, exercerá de anfitriona a Asociación Monte Pindo Parque Natural (cuxo presidente Xilberto Caamaño nos guiará na subida) e contará co apoio de ADEGA, Plataforma en Defensa do Monte das Salgueiras e Ecoloxistas en Acción.  Agardamos poder contar con todos e todas vós!
Ler máis