Tras o éxito da recollida de alegacións en Cee, estaremos en Fisterra e Dumbría

Costa da Morte,

A veciñanza da Costa da Morte asinou xa unhas 300 alegacións contra o Parque Eólico de Sembra este domingo no posto informativo instalado no Mercado Municipal de Cee ao que se achegaron varios centos de persoas para informarse do verdadeiro alcance e prexuízos do proxecto e tamén subscribir o escrito de alegacións.

A inmensa maioría de persoas que visitaron o posto de ADECOM fixérono cunha clara preocupación polo devir da que segue a ser practicamente a única zona da nosa bisbarra libre deste tipo de instalacións, a súa proximidade ás casas (uns 500 metros nalgún punto) e o beneficio practicamente nulo sobre as oportunidades de vida no entorno, xa que esa enerxía prodúcese para exportar e vender fóra, co cal só suporá beneficios á empresa promotora do proxecto (Volantis Renovables) mentras que a veciñanza seguirá a pagar unha das facturas da luz máis caras do estado e verá como perde a soberanía sobre as súas propiedades asi coma que o seu prezo de mercado se reducirá de media un 30%.

Podedes ver o álbum de fotos da xornada na nosa páxina de Facebook.

Esta semana o posto de ADECOM estará en Fisterra e Dumbría, tamén afectados pola megainfraestrutura do P. E. Sembra

Ante o éxito da iniciativa en Cee, esta semana ADECOM desprazará o seu posto informativo a Fisterra e Dumbría, municipios tamén afectados polas infraestruturas do Parque Eólico Sembra; as citas serán en Fisterra este venres 13 a partir das 11 horas no Mercado Municipal, e o sábado 14 en Dumbría desde as 18:30 horas no Paseo Marítimo do Ézaro.

Comentarios

  1. Unknown13/08/21, 12:35

    Temos Outros médios de asinar?

    ResponderEliminar
    Respostas
    1. ADECOM Costa da Morte17/08/21, 18:02

      Podes descargar as alegacións na nova anterior e enviarnolas por correo.
      Graciñas!

      Eliminar

Publicar un comentario

Publicacións populares deste blog

Nace ADECOM en defensa da Costa da Morte

Costa da Morte,
Imaxe
O 23 de xuño de 2020, véspera do día de San Xoán, botou a andar a Asociación en Defensa da Costa da Morte (ADECOM), un colectivo que aspira a converterse na primeira gran entidade da sociedade civil da nosa comarca. Esta iniciativa nace a proposta dun grupo de entidades e persoas a título individual da bisbarra que participaron este mes nunha mesa de diálogo social , convocada en reacción ao anuncio de que a Xunta talaría o Monte Pindo , un dos espazos naturais referenciais da bisbarra. Nesta mesa de debate, entre outras problemáticas, detectouse a carencia dunha entidade social de nivel comarcal que sirva para coordinar e poñer en valor o traballo e as iniciativas que levan anos realizando moitas entidades e persoas, asi como para poñer o foco sobre os grandes retos e demandas que aínda ten pendentes a Costa da Morte. Os seus obxectivos serán frear o despoboamento e a destrución do seu medio e da súa identidade á que a Costa da Morte parece abocada, e reclamar a débeda histórica que
Ler máis

Coinciden na necesidade urxente de superar o monocultivo do eucalipto na comarca

Costa da Morte,
Imaxe
Corcubión acolliu o pasado sábado o foro de debate " Eucalipto: presente e futuro? ", que evidenciou a necesidade de superar o monocultivo de eucalipto nos nosos montes, modelo do que só se está a beneficiar unha empresa e que ademais provoca problemas graves medioambientais, de seguridade para as persoas e de perda de calidade de vida no medio rural, co conseguinte abandono do mesmo. A asistencia ao debate, que tamén se retransmitiu por Internet, coincidiu en sinalar as consecuencias catastróficas que o monocultivo masivo de árbores alóctonas (sobre todo de Eucalyptus ) supón para os montes da comarca, mais tamén que existe unha mentalidade moi instaurada na poboación que vai ser difícil de mudar, pois certas empresas -coa connivencia da Xunta- levan moitos anos investindo grandes sumas en promover a falsa idea de que o eucalipto é a "única opción rentable" para o monte. Polo contrario, no debate evidenciouse que ante a procura do beneficio inmediato e curtopracis
Ler máis

Eólica, asi non! O 11 de decembro subimos o Monte Pindo contra a invasión eólica

Costa da Morte,
Imaxe
Con motivo do Día mundial das Montañas, o sábado, 11 de decembro, a Coordinadora “Eólica, Así Non” apoiada por máis de 170 colectivos de toda Galiza, convoca á sociedade galega a unha nova grande mobilización fronte a invasión eólica baixo o lema “Na defensa das montañas. Eólica Así Non”.  A cita na nosa comarca será ás 10:00 horas no lugar do Fieiro (Mazaricos), desde onde emprenderemos unha marcha reivindicativa ata a Moa, cume do Olimpo Celta, onde desenvolveremos unha impactante acción simbólica de denuncia do expolio eólico.  A mobilización está convocada por ADECOM, exercerá de anfitriona a Asociación Monte Pindo Parque Natural (cuxo presidente Xilberto Caamaño nos guiará na subida) e contará co apoio de ADEGA, Plataforma en Defensa do Monte das Salgueiras e Ecoloxistas en Acción.  Agardamos poder contar con todos e todas vós!
Ler máis